«النظام» — من الخبرة إلى الصفقة
خبرتك مش المشكلة. المشكلة إنه ما في نظام بيحوّلها لقرار شراء. هذا الكورس هو ذاك النظام، كامل، بأربع جلسات.
ليش مباشر، مش مسجّل
الدفعة الأولى بتنعطى مباشرة لمجموعة صغيرة، مش تسجيلات بتشتريها وتتفرج عليها لحالك. السبب بسيط: الموضعة مش معلومة بتاخدها — هي قرار بتاخده على حالتك إنت. وبدون حدا يقلك «هاي الجملة ما زالت بتنطبق على منافسك»، بتضل تدور بمحلك.
كل جلسة فيها وقت مفتوح للحالات. بتيجي بحالتك، وبتطلع بقرار.
الجلسات الأربع
الخانة
وين بتحط حالك بعقل الزبون، والفراغ اللي ما حدا قاعد فيه بسوقك. بتطلع بموضعة مكتوبة، مش بفكرة.
الدليل
الموقع بلا برهان بيضل ادّعاء. كيف تبني الدليل اللي بيخلّي موضعتك مصدّقة: شو بتقول، وين بتظهر، شو بتعرض.
العرض
ليش عرضك بينفتح على مساومة، وكيف بتصممه بحيث تصير المقارنة صعبة. تسعير، حزم، وثمن التأجيل.
المكالمة
الإغلاق العالي مش ضغط — هو ضبط إطار من الدقيقة الأولى. بنية المكالمة، الأسئلة، والاعتراضات المتكررة.
لمين — ولمين لأ
إلك إذا
- عندك خبرة حقيقية والسوق ما عم يشوفها
- بتفضّل تتعلّم النظام وتطبّقه بنفسك
- مستعد تشتغل بين الجلسات، مش تتفرج بس
مش إلك إذا
- بتدوّر على وصفة سريعة أو وعود دخل
- بدك حدا ينفّذ عنك — هذاك الباب الأول
- ما بتقدر تحضر مباشر ولا تشتغل على حالتك
عن السعر والموعد. النسخة المسجّلة سعرها المعلن على الموقع تقريبي وقابل للتعديل. الدفعة الأولى المباشرة سعرها أقل منه — لأنها الأولى، ولأني بستفيد من أسئلتكم بقد ما بتستفيدوا. السعر النهائي والموعد بينزلوا للمسجّلين بقائمة الانتظار قبل أي حدا، والمقاعد محدودة عشان الجلسات تضل شغل مش محاضرة.
سجّل بقائمة الانتظار
بلا التزام · بتوصلك التفاصيل أول